Цивил со апел до граѓаните да се пријавуваат злоупотреби при изборниот процес
Центар за слобода го поздравува исходот од преговорите меѓу лидерите на четирите најголеми партии и исполнувањето на условите на политичкиот договор од 20 јули. Истиот момент кога беше објавено постигнувањето на договорот за одржување предвремени парламентарни избори на 11 декември, Цивил и официјално ги активира сите капацитети за долгорочен изборен мониторинг.
Цивил предупредува дека исполнувањето на условите од политичкиот договор за надминување на политичката криза имаат повеќе формална природа, отколку суштинска.
„Факт е дека суштински реформи не се спроведуваат, а на теренот и во медиумите беснее валкана политичка кампања. Злоупотребите, притисоците и политичката корупција не стивнуваат. Република Македонија е исправена пред сериозни предизвици во претстојниот период. Цивил апелира до сите граѓанки и граѓани да се вклучат во напорите земјата да излезе од оваа долгогодишна криза и да го одбранат своето гласачко право. Секој вид на политичка корупција, притисок, закана, злоупотреба или каков и да е облик на кршење на човековите права и слободи треба да се пријави“, се наведува во соопштението на Цивил.
Извор: plusinfo.mk