Слончиња во домот: Зошто треба да ги имате и каде да ги поставите?
Во азиските култури слонот се смета за свето животно и на него се гледа со восхит, а скулптурите и украсите во форма на слончиња станаа хит низ целиот свет. Слончињата често се користат во Фенг Шуи за да енергетизираат одредени делови во домот и за добра среќа. Слончињата симболизираат моќ, мудрост, сила, заштита и среќа.
Според верувањата, слонот е моќен симбол ако знаете каде да го сместите во домот. Локацијата ја бирате според она што сакате да привлечете во својот живот. Секој дел од вашиот дом е поврзан со одреден аспект од вашиот живот. Па така, кога ќе поставите симбол на слон во собата ќе служи да енергетизира одредено Чи поврзано со конкретниот аспект. Азиските култури веруваат дека слончињата се остварувачи на желби и заштитници на домот. Голем дел од азиските бизнисмени чуваат статуи на слонови пред корпоративните згради.
Кога се работи за остварување желби, еве што вели Фенг Шуи – каде да поставите слончиња во домот во зависност од тоа што сакате да постигнете.
Поставувањето на статуа од слон или пар слонови на влезната врата носи среќа, заштита и сила на домаќинството. Овие слонови се поврзуваат со благослов. Многумина кои практикуваат Фенг Шуи веруваат дека сурлата на слонот треба да биде свртена нагоре за да претставува просперитет и победа.
Слон или пар слонови поставени во спалната соба ја зацврстуваат љубовта и довербата помеѓу двајца луѓе.
Статуа на мајка слон и мало слонче е симбол ја претставуваат врската и љубовта помеѓу мајката и нејзините деца. Ако ги поставите во детската соба, таа врска ќе се зацврсти.
Парови кои сакаат да имаат деца треба да постават седум слончиња во својата спална соба како симбол за плодност. Во Фенг Шуи бројот 7 ги означува децата, па седум слончиња се користат за да ја активираат Чи енергијата за плодност.
За полесно учење и академски успех чувајте слонче на работното биро.
Слончињата се чуваат и за правилно да ја избалансираат енергијата на сите елементи. За таа цел, купете си слонче кое во сурлата држи кристал.
За стабилност на кариерата и работен успех, луѓето во Азија поставуваат слонче кое на грбот има друго животно, како жаба, петел или мајмун.
Не е дозволено преземање на оваа содржина без согласност од редакцијата на Позитив.мк, освен со линк до конкретната страница