Порака во шише пронајдена по две години преку Атлантикот

Шише со порака од 11 годишната Натали патувало две години и преку 4500 километри од едниот до другиот крај на Атлантскиот океан, од Масачусец до брегот на Ирска. Шишето го пронашол нуркачот Рори Голден кој потоа го побарал семејството на девојчето и стапил во контакт за да одговори на нејзината порака.

Натали во 2013-та напишала кратка порака во која се претставува и се надева дека тој што ќе ја пронајде ќе и пише одговор. Без оглед што во пораката нема ништо возвишено воодушевува со фактот стигнало од Америка до Ирска, а особено што е испратена од тинејџерка во време кога сите комуницираат преку интернет.