Од ноќеска нови цени на бензините
Бензините од ноќеска ќе се продаваат по цена пониска за половина денар, додека дизелот ќе се продава по старата цена, известуваат од Регулаторната комисија за енергетика.
Еден литар Еуросупер БС-95 ќе биде 62 денари, додека новата цена на Еуросупер БС-98 ќе изнесува 64 денари за еден литар. Малопродажните цени на Еуродизел и екстра лесното масло за домаќинство остануваат исти во однос на цените утврдени со Одлуката од 03.05.2016 година. Со тоа малопродажната цена на Еуродизел (Д-Е V) изнесува 47 денари за литар, додека малопродажната цена на Екстра лесното масло за домаќинство (ЕЛ-1) ќе изнесува 35, 50 денари за литар.
Малопродажната цена на мазутот (М-1 НС) ќе изнесува 19,4 денари за еден килограм.