Лил Вејн се повлекува од музичката сцена?!
Американската рап ѕвезда Лил Вејн откри дека ги сака своите обожаватели, но дека ќе се повлече од музичката сцена и нагласи дека не бара сочувство туку само мир и спокојство. Ова известување стигна на социјалната мрежа „Твитер“, само неколку часа откако полицијата била повикана во неговата куќа поради пукање. „Беспомоќен сум и ментално поразен. Заминувам со достоинство и благодарност. Ги сакам своите обожаватели, но готово е“, напиша познатиот рапер.
Како што може да се разбере од овој твит, Лил Вејн ја пушта музичката сцена поради сериозни здравствени проблеми. Набргу пристигнаа и многу пораки за поддршка од неговите обожаватели, но и од колегите од рап сцената, вклучувајќи ја и Миси Елиот, која порача дека секогаш ќе ја сака неговата музика.
Лил Вејн уште од минатата година води судска битка со својот поранешен бизнис партнер Бирдман, а долго се бори и со здравствени проблеми. Минатата година имаше и епилептичен напад во авионот за време на летот од Висконсин во Калифорнија, поради што пилотот беше принуден да слета во Небраска.