Го напушти Сајмон Кауел и потпиша повеќемилионски договор!

Членот на поранешниот британски бенд „One Direction“, Нијал Хоран, одлучи да ја напушти издавачката куќа „Syco“ на својот ментор Сајмон Кауел и потпиша нов музички договор со „Universal records“. Странските медиуми пренесуваат дека Сајмон Кауел ова го доживеал како голем шок, во однос на тоа дека со месеци преговарал со Хоран, сакајќи да склопат договор околу неговата соло кариера.

Сајмон му понудил прилично голема сума на пари за да го убеди, но на крајот се чини дека понудата на „Universal records“ била побогата. „Се работи за милиони“, пренесуваат светските медиуми. Според овие извори, „Universal records“ навистина се потрудиле за пејачот да потпише договор со нив. Лоша вест за Сајмон Кауел, кој неодамна зборуваше за лојалноста на Хоран како и тоа дека наскоро ќе објават нешто заедно.