Германија очекува 100.000 мигранти да ја напуштат земјата
Германија очекува 100.000 мигранти без документи да си заминат од земјата до крајот на годината, а германскиот министер за внатрешни работи Томас де Мезиер вели дека таа бројка е висока, но недоволна после минатогодишниот рекорден прилив на мигранти и бегалци.
„Доколку продолжат сегашните тенденции, ќе достигнеме бројка од 90.000 или 100.000 депортации и доброволни враќање од земјата“, изјави германскиот министер за новинарите, додавајќи дека тоа е добро, но не и доволно. Според неговите зборови мора да се продолжи со работата они кои треба да ја напуштат земјата и навистина да го сторат тоа.