Без специјален суд нема избори

СДСМ поддржана од владејачката ДУИ како главен услов за одржување на есенски парламентарни избори најверојатно ќе го постават формирањето на специјално одделение во кривичниот суд кое ќе биде задолжено за постапување само по предметите кои ќе ги поведува СЈО.

Тоа не му одговара на ВМРО-ДПМНЕ од каде посочуваат дека според Уставот нема простор за паралелен суд, но и претходно за СЈО го имаат истиот аргумент, за на крај едногласно во Собранието да го одобрат законот за специјално јавно обвинителство. Посебното одделение би функционирало слично како одделението за организиран криминал со тоа што задачи би добиле судии кои немаат политичка позадина.