Златните глобуси тотално ги промашија ТВ наградите
Додека сите ќе се сложат дека Леонардо ди Каприо, Кејт Винслент, Бри Олсон и Силвестер Сталоне сосема заслужено ги добија главните актерски награди, а The Revenant и The Martian филмските награди, тогаш за ТВ наградите има најголем бунт на социјалните мрежи против странскиот печат во Холивуд кој ги доделува Златните глобуси.Главното изненадување на вечерта беше победата на новата серија Mr.Robot и тоа во категоријата најдобра драма што е прилично чудно бидејќи се емитува само првата сезона. Зачудува и фактот што Кристијан Слејтер доби статуетка за споредна улога во истата серија со што секако, направи голем камбек во актерските води но, сите ќе се сложат дека имаше далеку подобри перформанси оваа година. Третото разочарување поврзано со Mr.Robot е што главниот актер Рами Малек не доби апсолутно никаква награда, а токму тој ја имаше најдобрата улога на младиот хакер со поделена личност.Освен во категоријата драма големи изненадувања понуди и забавната категорија која ја делат комедиите и мјизиклите. На сите се уште не им е јасно како серијата „Моцарт во џунглата“ успеа да победи со слаба гледаност, без голем број на фанови и активности на социјалните мрежи, а награден е и главниот актер Гаел Гарсија Бернал за кој речиси и да немаше никакви информации дека воопшто е дел од серијата. Едно од објаснувањата е дека ова е единствената квалитетна музичка серија годинава, па категоријата мора да се оправда.