Директорот на ФБИ: Покријте ја веб-камерата на вашиот компјутер!

Предупредувањето од ФБИ дека би требало сите да ја покријат веб-камерата на своите компијутери за да спречат да не бидат предмет на шпиунирање, денес го поддржа и директорот на ФБИ, Џејмс Коми, додавајќи дека тоа е разумна работа која луѓето можат да ја направат.

Ако веб-камерата остане отворена, тоа значи дека хакерите можат да влезат во неа и да ја следат работата на корисниците, тврдат експертите за безбедност.

Директорот на ФБИ исто така истакна дека сите вработени во канцелариите на американските влади ја покриваат својата веб-камера, а дека е препорачливо тоа да го направат и сите обични граѓани. „Има одредени разумни работи кои би требало да ги направите, а покривањето на вашата веб-камера е дефинитвно една од нив“, порача Коми.