Жито Маркети со нов објект во Велес со ниски цени за купувачите

Трговскиот ланец Жито Маркети го отвори својот 12-ти маркет во Велес, а вкупно 52-ри во Македонија. Новиот маркет се наоѓа на улица Даме Андреев (Ронката) бр. 8, распространет на површина од 200 метри квадратни со тим од 8 вработени на две наплатни каси.

„Велес е градот каде ја започнавме нашата успешна приказна и каде граѓаните веќе не познаваат и ни укажуваат голема доверба и внимание. Радосни сме што нашата професионална услуга и популарната ценовна политика што ја нудиме ќе биде позастапена и пораспространета во Велес. Задоволувањето на потребите и барањата на сите купувачи се наш приоритет, а тоа ќе им го овозможиме преку професионална услуга, квалитетни производи и достапни цени“, изјави Далибор Ѓошевски, генералниот извршен директор на Жито Маркети.

Отворањето на маркетот беше одбележано и со голем број промоции и попусти, дегустација на многу нови и популарни производи, како и продажни акции и пријатни изненадувања. Дополнителни бенефити имаше и за сите оние што ја имаат и што аплицираа за лојалната картичка „Навика да добивам повеќе“.

Новиот маркет ќе биде отворен седум дена во неделата, со работно време од 07,00 часот до 21,00 часот од понеделник до сабота, додека во недела, ќе биде отворен од 08,00 часот до 14,00 часот.