Жителите на Дебар Маало против промените во ДУП
Жителите на Дебар Маало повторно побараа од општина Центар да го промени донесениот Детален урбанистички план со кој се предвидени повеќе градби кои ќе им го нарушат просторот за живеење со нови високи згради, изградба на трговски центри и паркинзи.
– Дебар Маало, најстарото урбано градско јадро, се претвора во субстандардна населба, каде вредноста на имотот веќе паѓа. Градоначалникот на општина Центар потпишаа меморандум со нашата иницијатива, прифаќајќи ги иницијалните забелешки и вети исполнување на барањата за поквалитетен живот. Но, динамика за остварување се уште нема, општината продолжува со својата пасивност и недостаток на политичка волја – изјавија од иницијативата „Во одбрана на Дебар Маало“ и апелираа Жерновски да ја врати процедурата за спорниот детален урбанистички план во стадиум на планска програма.