Земјоделците во вторник со протест ќе си ги бараат ветените субвенции

Земјоделците не ги добија ветените субвенции. Револтирани – најавија протест во вторник. Земјоделците најавуваат блокада на неколку патни правци во земјава. Не отстапуваат од барањето за средба со министерот за финансии Кирил Миноски. Сезоната е во тек и земјоделците не можат да ја обработат почвата.

Исплатата на субвенциите е стопирана речиси седум месеци. Првично проблем беше Изборниот законик, па директорските смени во Платежната агенција, а сега блокадата е во Министерството за финансии.

СДСМ обвини дека се работи за манипулација со земјоделците и повика на итна деблокада на Собранието за да почнат институциите да функционираат нормално.