Sunday, May 28, 2017
HomeДЕНЕШНАЕкономијаЗаштедете пари – еве како да ги намалите високите сметки за струја

Заштедете пари – еве како да ги намалите високите сметки за струја

Во текот на зимата неколкукратно ни се зголемуваат сметките за електрична енергија. Сепак има трикови кои можат да ви помогнат да заштедите електрична енергија, а со тоа и да платите помалку на крајот на месецот.

Заштедете 45 проценти на греење и ладење
Греењето и ладењето најтешко му паѓаат на вашиот паричник, барем на полето на потрошувачка на електрична енергија. Еден од најефикасните начини да ја одржите саканата температура е добрата изолација. Дополнителната термоизолација ќе ја намали потрошувачката за 25 до 60 проценти. Исто така, ако се греете на струја, изберете грејно тело со термостат. Ако користите клима-уред за ладење, водете сметка разликата помеѓу внатрешната и надворешната температура да не биде поголема од 5 – 10 степени.

Заштедете 10 проценти на болјерот
За еден час работа, болјер со моќност од 2 киловати троши 2 киловат-часа, а на месечно ниво, ако секојдневно работи по 2.5 часа, троши 150 киловат-часови. За да заштедите топла вода, подесете го термостатот на болјерот на температура помеѓу 50 и 60 степени Целзиусови. Наместо да се бањате во полна када, туширајте се, бидејќи на тој начин се намалува потрошувачката на вода и струја. Од време на време, исчистете го болјерот, бидејќи бигорот ја зголемува потрошувачката.

Заштедете 10 проценти на машината за перење
Машината за перење обично троши 1-2 киловат-часа, а обично работи 3 часа. Ако ја вклучувате секој втор ден, месечно ќе потрошите од 45 до 90 киловат-часови. За да заштедите струја во процесот на перење алишта, вклучувајте ја машината после полноќ, немојте да ја претрупувате кога перете бела облека и користете пократки програми.
masina perenjeЗаштедете 7 проценти на светлото
Потрошувачката на електрична енергија значително ќе ја намалите ако наместо сијалици користите неонско осветлување. Обичната сијалица од 100 вати, ако работи 10 часа дневно, троши 30 киловат-часови месечно. Штедливата – само 6 киловат-часови. Од друга страна, штедливите сијалици, за разлика од обичните, се штетни по здравјето, содржат жива и ако пукнат се опасни по живот. Исто така, потребно им е многу подолго време и повеќе енергија за да постигнат полна јачина, а и самата светлина е со послаб интензитет.

Заштедете 6 проценти на фрижидерот и шпоретот
Термостатот на фрижидерот наместете го на 3 или 5 степени. Избегнувајте да ставате топли тенџериња, а садовите ставајте ги со капак. Редовно чистете го и отстранувајте го вишокот лед. Една рингла на шпоретот троши 1.5 до 1.8 киловат-часови за 1 час работа, а греачот во рерната – од 2 до 4 киловат-часа. Садот во кој готвите би требало да биде иста големина како ринглата, а додека се подготвува храната настојувајте да ги поклопите садовите. Ако ја користите рерната, термостатот мора да биде на максимум, но избегнувајте често да ја отварате вратата, бидејќи при секое отварање ја смалувате температурата за околу 15 степени.
struja1Заштедете 4 проценти на електричните апарати
Вашиот телевизор, DVD плеер, компјутерот, но и сите останати електронски апарати допринесуваат во зголемената сметка за струја. Кога не го користите компјутерот и мониторот, ставете ги во Sleep мод, бидејќи во спротивно, годишно трошат и до 1.100 киловат-часови. Исто така, кога ја користите пеглата, испеглајте ја целата гардероба која е за пеглање, бидејќи при секое наредно пеглање дополнително трошите енергија за загревање на пеглата.

Заштедете 2 проценти на машината за перење садови
Освен значајната заштеда на време и вода, на долгорочен план, машината за садови штеди и струја. Перете ги садовите кога машината ќе се наполни, избегнувајте ги циклусите со висока температура (90 степени) и вклучувајте ја после полноќ.