Запуштеното место во Радишани ќе се уреди во мал парк

Општина Бутел започна со изградба на мал парк на вториот влез во населбата Радишани, на локација која долго време беше запуштена и неуредена. Локалната власт соопшти дека овој простор кој претходно беше непријатна точка за жителите ќе се преуреди со урбана опрема, мала фонтана и детски реквизити на површина од 450 m2.

Уредувањето на просторот беше планирано уште пред една година кога се реконструираше улицата Амди Демир, но планот беше одложен поради нерешените имотно-правни односи. Уредувањето на паркот ќе чини 2 милиони денари, соопштија од општина Бутел.