Започна изборната кампања за нов претседател на СПУКИМ
Денеска започнува изборната кампања за нов претседател на Студенскиот парламент на Универзитетот „Св. Кирил и Методиј“ и ќе трае до 28 јуни. Гласањето ќе се одржи на 30 јуни, непречено од 9-16 часот на 23 факултети на УКИМ.
Двајцата кандидати кои ќе се натпреваруваат во оваа трка се Стефан Василевски, студент на Медицинскиот факултет и Давор Поповски, студент на Факултетот за информатички науки и компјутерско инжинерство – ФИНКИ.
Како што информираат од СПУКИМ, Василевски бил поддржан од шест матични студентски парламенти на УКИМ, додека Поповски од седум матични студентски парламенти на УКИМ.