Започнува поднесувањето електронски барања за финансиска поддршка во земјоделството

Агенцијата за финансиска поддршка во земјоделството и руралниот развој денеска ќе објави повик за поднесување електронско барање за финансиска поддршка за инвестиции за модернизација на земјоделски стопанства од Програмата за финансиска поддршка на руралниот развој за 2015 година.

Поради тоа, Агенцијата апелираше сите заинтересирани навремено да ги ажурираат сите податоци запишани во Единствениот регистар на земјоделски стопанства.

Ажурирањето на податоците се врши во подрачните единици на Министерството за земјоделство шумарство и водостопанство каде е регистрирано земјоделското стопанство.