Sunday, Mar 26, 2017
HomeДЕНЕШНАРепубликаЗапочна традиционалниот Тиквешки гроздобер

Започна традиционалниот Тиквешки гроздобер

Со отворањето на изложбата „Скулптури од Кавадарци“ денеска започна „Тиквешкиот гроздобер 2015“. Изложбата и манифестацијата за отворени ги прогласи претседателот на Советот на општина Кавадарци, Горица Пеливанова – Вилхелм.

– Оваа манифестација Кавадарци традиционално ја организира со години и се гордее со неа. Во нејзини рамки и оваа изложба која докажува дека Кавадарци навистина е расадник на уметнички таленти, рече Пеливанова Вилхелм.

На изложбата „Скулптури од Кавадарци“ која е поставена во градската Музеј галерија, се изложени 22 дела на 12 скулптори од Кавадарци- Пано Анѓушев, Мино Стојанов, Кирил Мукаетов, Диме Самарџиев, Гоце Давидов, Ранко Дакиќ, Елпида Хаџи-Василева, Соња Самарџиева, Иван Ковацалиев и Јован, Гоце, Ристе и Игор Јосифови.

– Посетителите ќе имаат можност да ги видат овие скулптури како тридимензионален ликовен израз на уметници кои имаат оставено траен уметнички белег, како во Македонија, така и надвор од неа, нагласи Весна Ѓорѓиева, куратор на изложбата. Изложбата е финаниски поддржана од Министерството за култура.