Запленети 130 литри нерегуларен алкохол во битолските кафеани
Царинската управа во масовна акција по кафеаните во Битола успеала да заплени 130 литри алкохолен пијалок и 2,8 килограми тутун кои не биле означени со контролни марки, а сопствениците не поседувале сертификат за квалитет а ги нуделе на продажба.
Акцијата се реализирала последниве два дена, односно 29-ти и 30-ти септември, каде повеќе тимови на Царинарница Битола за контрола на обележување и употреба на контролни марки – бандероли, извршија контрола на повеќе зелени пазари, малопродажни и угостителски објекти кои вршат промет со акцизни добра на територијата на општините Прилеп, Битола, Охрид, Струга и Вевчани.
Против прекршителите ќе се преземат соодветни мерки, а управата уште еднаш апелира на а внимателност на граѓаните при консумирањето на алкохолни пијалоци, поради сериозноста по здравјето и животот при консумацијата на неиспитан и потенцијално неисправен алкохол.