Запленет кокаин во скулптура од глава на коњ
Новозеландската полиција соопшти дека запленила кокаин во вредност од десет милиони американски долари кој бил сокриен во голема скулптура од глава на коњ, која пристигнала од Мексико. Како што пренесуваат тамошните медиуми, ова било најголемата заплена на дрога во историјата на Нов Зеланд.
Медиумите пренесуваат дека пратката тешка 35 килограми пристигнала од Мексико во Окленд во мај, а полицијата во тој град во Нов Зеланд уапсила еден Мексиканец и еден Американец.