Законски измени за СЈО наскоро ќе влезат во собраниска процедура

Координаторот на пратеничката група на СДСМ, Томислав Тунтев, денес за Телма потврдил дека во собраниска процедура ќе бидат пуштени законски измени за СЈО.

Законските измени се однесуваат на продолжување на мандатот на Специјалното јавно обвинителство за поднесување на обвиненија.

Меѓу барањата се и продолжување на рокот за поднесување обвиненија, како и закон за заштита на сведоци, со што СЈО би добиле поголема независност и услови за поефикасна работа.

До крајот на оваа седмица, СЈО ќе соопшти за кои предмети ќе бидат поднесени обвиненија. СЈО започнаа вкупно 15 истражни постапки чии наслови почнуваат на буквата „Т“, а кои произлегуваат од снимки што се добиени при незаконско следење на комуникации.