Закана за Конзулатот на САД во Истанбул
Стејт департментот им препорача на американските граѓани да не го посетуваат Генералниот конзулат на САД во Истанбул поради информацијата дека има закана за неговата безбедност. Ова се наведува во соопштението, кое беше објавено вчера на сајтот на Советодавниот совет за меѓународна безбедност при Стејт департментот.
Информацијата е објавена и на сајтот на Конзулатот на САД во Истанбул.
– Во врска со информацијата за непосредна закана за безбедноста на Генералниот конзулат на САД во Истанбул, Конзулатот ги советува сите американски државјани денеска да избегнуваат да го посетуваат, се наведува во соопштението и се напоменува дека Конзулатот е затворен и денеска.