Загина 17-годишен мотоциклист, две девојки повредени во тешка сообраќајна несреќа

Едно момче загина, а две девојки се повредени во сообраќајната несреќа која што денес се случила на влезот во населбата Драчево.

Како што потврдуваат од СВР Скопје несреќата се случила околу 11 часот на улица „Јустинијан Први“ на раскрсницата со улицата кон селото Батинци. Во несреќата учествувале „Форд мондео“, „Рено лагуна“ и мотоцикл, сите со скопски регистарски таблички.

Во несреќата загинал 17 годишниот Петар Ј., возач на мотоциклот, а со телесни повреди се здобиле девојките кои се возеле со него, а биле на возраст од 16 и 19 години. Девојките се пренесени во Ургентниот центар во Скопје. Возачите на автомобилите не се жалеле на повреди. Истрагата која е во тек ќе покаже како дошло до оваа страотна сообраќајна несреќа.