HomeДЕНЕШНАПолитикаЗа Џолев не важи кадија те суди, кадија те куди – Отфрлена пријавата против Панчевски

За Џолев не важи кадија те суди, кадија те куди – Отфрлена пријавата против Панчевски

vladimir-pancevski

Кривичната пријава за примање награда за противзаконито влијание која судијата Џолев ја поднесе против Владимир Панчевски, претседател на Кривичниот суд, е одбиена од страна на Јавното обвинителство со образложение дека е неоснована.
Од ОЈО тврдат дека:

„Со цел да се проверат наводите во кривичната пријава, покрај материјалните докази – списи по истражниот предмет и доставеното писмено укажување, во својство на осомничен беше испитан и претседателот на Основниот суд. Основното јавно обвинителство за гонење на организиран криминал и корупција испрати три покани до подносителот на кривичната пријава за и тој да даде исказ. Подносителот на пријавата во својство на оштетен не се јави на поканите и не е испитан.

Според прибавените докази, дејствието преземено од пријавениот не претставува реално или претпоставено влијание за постапување на истражниот судија распореден по истражниот предмет, бидејќи истото во себе не содржи наредба. Даденото укажување дава насока како поефикасно и побрзо да се заврши истражен предмет согласно законот, кој многу години не бил завршен. Воедно со истото се бара од истражниот судија, да го извести претседателот на судот за преземените активности поврзани со решавање на конкретниот предмет. Согласно законот, претседателот на судот се грижи за ажурно работење на судот, па неговите насоки биле со таа цел.

Од ова неспорно произлегува дека укажувањето е дадено со цел да се активираат можни законски услови за завршување на истрагата согласно одредбите од чл. 178 ст.2 во врска со ст.1 од Законот за кривична постапка што важел во времето на донесувањето на Укажувањето, а кое пријавениот како претседател на судот имал право да го преземе, утврди Основното јавно обвинителство за гонење на организиран криминал и корупција.

При извршеното испитување, пријавениот на записник поднесе кривична пријава против подносителот на кривична пријава за сторено кривично дело – лажно пријавување на кривично дело по чл.366 од Кривичниот законик. Основното јавно обвинителство за гонење на организиран криминал и корупција ја препрати оваа кривична пријава за понатамошно постапување до надлежното Основно јавно обвинителство Скопје“.

Social Media Auto Publish Powered By : XYZScripts.com