За Челси се уште не е крај, Конте доведува уште еден дефанзивец?!
Се чини дека тренерот на Челси е опседнат со одбраната, после Луиз и Алонсо, се поголеми се шансите да се доведе уште еден засилување во последната дефанзивна линија.
Антонио Конте последните денови од трансфер периодот успеа да ја затвори одбраната со враќањето на Давид Луиз и доведувањето на Маркос Алонсо кој ќе се бори за позицијата лев бек. Се чини дека Челси е сега комплетен и добро потполнет на сите позиции во последната линија, но се чини дека поранешниот тренер на Јуве не е задоволен.
Како што пишуваат италијанските медиуми, Челси преговара со слободниот агент Мартин Касерес кој се уште си нема пронајдено нов клуб. Уругвајскиот дефанзивец и понатаму е неодлучен, беа споменувани Наполи и миланските клубови, имаше понуди и од Шпанија, но Челси би секако бил најголем предизвик.
Она што го привлекува Конте е универзалноста на Касерас кој може да ги покрива позициите десен бек и стопер. Тој дефинитивно би ја засилил конкуренцијата, Конте го тренираше во Јуве па јасно е зошто го посакува.