Вучиќ: Почит за жртвите и пет милиони евра за Сребреница
Српскиот премиер Александар Вучиќ денека им се поклони на жртвите од Сребреница и положи цвеќе во Меморијалниот центар во Поточари.
„Го покажавме својот став поклонувајќи им се на невините сребренички жртви, а верувам дека јасен сигнал ќе биде и она што Србија е спремна да го направи тука. Освен почитта на минатото и прифаќањето на она што се случило, со оптимизам гледаме кон иднината“, изјави Вучиќ во Сребреница.
Цвеќе положија и претседателот на Република Српска, Милорад Додик, членот на Претседателството на БиХ, Бакир Изетбеговиќ, претседавачот со Советот на министри на БиХ, Денис Звиздиќ, и началникот на општина Сребреница Ќамил Дураковиќ. Вучиќ во Сребреница присуствува на инвестициска конференција за помош на оваа општина во Реублика Српска.
Инаку, при минатата посета на Вучиќ на Поточари на 11 јули, беше нападнат со камења, a се уште не е завршена истрагата за нападот. Во и околу Сребреница преземени се високи мерки за безбедност, а подрачјето го надлетува и хеликоптер.
Српскиот премиер изјави дека Владата на Србија донесе одлука да одвои пет милиони евра за Сребреница. Тој на Инвестициско-развојната конференција во Сребреница рече дека веќе во понеделник ќе бидат префрлени два милиони евра на сметката на општината Сребреница, а останатите три милиони евра ќе бидат дадени за одбрани проекти за потребите на Сребреница за кои ќе биде формиран тим кој ќе работи на нивна реализација.
Фото:Независне новине/АП