Врховен расправа за законитоста на бомбите
Врховниот суд на Република Македонија соопшти дека денеска во 12 часот ќе одржи продолжение на општата седница на која ќе ја разгледува законитоста на „бомбите“, односно можноста прислушуваните разговори да бидат користени како докази.
„Ќе се разгледува рефератот по правното прашање „Дали доказите кои се стекнати на незаконит начин можат да бидат употребени како доказ во судска постапка“ стои во соопштението на Врховниот суд.
На продолжението на општата седница ќе присуствува и Мирјана Лазарова Трајковска, поранешен судија на Европскиот суд за човекови права.
Претходно обвинителот од тимот на СЈО Гаврил Бубевски посочи дека скопскиот апелациски суд прифатил прислушувани разговори како докази во предметот „Шпион“. Еднаш расправата за „бомбите“ беше одложена и поради боледување на дел од судиите.