Thursday, Mar 28, 2024
HomeДЕНЕШНАРегионВознемирувачко фото: Унгарците се бранат од мигранти со крволочни кучиња

Вознемирувачко фото: Унгарците се бранат од мигранти со крволочни кучиња

Сириските бегалци ги предупредуваат останатите да ја избегнуваат унгарската граница со Србија откако на интернет се појавиле фотографии од, како што наведуваат, раните кои им ги направиле полициските кучиња. Нападите ги извеле кучињата на унгарската гранична полиција, но нема детали каде точно се случиле. Фотографиите се појавиле пред неколку дена на неколку приватни групи на арапски јазик на Фејсбук, пишува Telegraf.rs.
granica srbija ungarija 3
Фотографиите кои прикажуваат крвави делови од тела и длабоки рани, ги предупредуваат останатите сириски бегалци да ја избегнуваат границата помеѓу Унгарија и Србија кога одат кон Западна Европа. Порталот Vokativ наведува дека Унгарија се граничи и со Романија и Хрватска на алтернативни патишта за бегалците и мигрантите.
granica srbija ungarija begalci 1Бегалците и групите за заштита на човековите права во повеќе наврати се жалеле на малтретирање од унгарските полицајци на границата со Србија. Reuters пренесува дека братот на еден бегалец, кој се удавил во Тиса во јуни додека ја препливувал реката кон Унгарија, тврди дека бил нападнат од страна на полициски кучиња и дека полицајците фрлале камења кон него. Портпаролот на полицијата тогаш изјавил дека полицијата само користи нехумани третмани за да ги одврати бегалците.

Унгарија минатата година поставила жица на границите со Србија и Хрватска, долга околу 500 километри. Оградата помогнала да се намали протокот на бегалците во Унгарија, од 400.000 во текот на 2015 година, на 18.000 оваа година. Премиерот Виктор Орбан минатата седмица најавил план за изградба на “масовен одбранбен систем на постоечката линија за одбрана”, како и зголемување на бројот на полицајци стационирани на границата, пишува Telegraf.rs.

“Постои нов, изненадувачки варварски начин на однесување на Будимпешта, иако овој пат уште поваварски. Унгарските специјални сили користат многу насилни методи против бегалците, вклучувајќи жени и деца. Се обиделе да ја минат границата, но биле претепани, нападнати од страна на полициските кучиња, и така ранети пратени на медицински третман во Белград”, напишал еден корисник на групата на Фејсбук.

Беглаците и мигрантите исто така се жалат и на молчењето на медиумите по повод инцидентите и додаваат: “Не одете на унгарската граница браќа. Патот е затворен, немојте да минувате низ таа тортура”.