(Вознемирувачки видео и фото) Џихадистите се изживуваа над мртвите руски војници

Бунтовничките џихадисти што го урнаа рускиот хеликоптер Ми-8 над сириската провинција Идлиб се изживувале врз телото на еден од загинатите војници од леталото, со тоа што го влечеле низ пустината како некаков воен трофеј.

Откако беше соборен рускиот транспортен хеликоптер Ми-8 кој што пренесувал хуманитарна помош за граѓаните на сирискиот град Алепо, на социјалните мрежи се појавија првите фотографии и видео снимки од местото на несреќата, а се претпоставува дека ги постирале џихадистите што го собориле хеликоптерот.

Во рускиот воен хеликоптер Ми-8 кој денеска беше соборен во сириската провинција Идлиб при враќањето во базата по испораката на хуманитарна помош имало пет луѓе, од кои тројца беа членови на екипажот. Сите погинале при падот на хеликоптерот.