Monday, May 29, 2017
HomeДЕНЕШНАСветВо Велика Британија отворена истрага за корупција против компанијата „Ербас“

Во Велика Британија отворена истрага за корупција против компанијата „Ербас“

Erbas

Британското Биро за тежок криминал (СФО) покрена истрага за „измама, поткуп и корупција“ против компанијата за производство на патнички авиони „Ербас“.

Компанијата е осомничена за постоењето нерегуларности околу исплатите што се прават за посредниците од трети страни.

Компанијата чие седиште се наоѓа во Франција соопшти дека целосно соработува со истрагата.

Во април годинава, британските власти го запреа кредитното барање на „Ербас“.

Британското СФО, сега, ги испитува документите на компанијата околу начинот на кој се користат странските агенти за продажба на авионите на светскиот пазар.

„Ербас“ користи државни кредити за поддршка на извозот на компанијата, често пати со давање зајмови на странските купувачи.

Според податоците на компанијата, во текот на минатата година „Ербас“ има употребено извозни кредити за шест отсто од направените продажни зделки.

Главнината на авионите „Ербас“ и главните делови за леталата на компанијата се изработуваат во три европски земји- Франција, Германија и Велика Британија.

МИА