Во Македонија ќе се легализира канабисот за медицински цели
Конечно канабисот ќе влезе во здравствениот систем. По предлогот на младината на Либералната партија и по одржаните јавни дебати, сега и Министерството за здравство изготви предлог закон за изменување и дополнување на Законот за контрола на опојни дроги и психотропни супстанци во насока на легална и контролирана употреба на производи од канабис за медицински цели во Македонија.
Предлог законот предвидува канабисот да се произведува и користи само во Македонија, а ќе може да го произведуваат само правни лица. Препаратите ќе се користат за онколошки заволувања, ХИВ/СИДА, невролошки … но само со медицинска препорака, под медицински надзор, не и за самолекување.
Македонија до февруари 2016 година ќе го легализира канабисот за медицински цели. Со тоа Македонија ќе стане 14-та држава во Европа која го легализираше канабисот, следејќи ги Чешка, Финска, Романија, Италија, Шпанија, Холандија, Франција, Австрија, Португалија, Германија, Велика Британија, Словенија и Хрватска.
Постапката за примена на идискиот коноп во медицински цели и предлог законот ќе се достави во Владина процедура, откако во недела, 20 декември ќе се одржи уште една јавна дебата на оваа тема.