Во Градскиот парк во Скопје под отворено небо ќе ечи музиката на „Пинк Флојд“
Македонската филхармонија и Младинскиот културен центар на 22 јуни во Градскиот парк на град Скопје ќе го оддржат јубилејното десетто издание на манифестацијата „Види музика, слушни слика, добиј книга“.
Годинава, како и секоја предходна за посетителите следува подарок книга, вашата библиотека ќе може да ја збогатите со ремек делото на Вернер Херцог – „За одењето по мраз“.
Исто така може да уживате во ликовните перформанси на уметниците Јулијана Гешовска и Илија Спасовски-Чендо како и музиката на едни од највлијателните музички групи на сите времиња „Пинк Флојд“, која ќе ја изведува Македонската филхармонија.
Настанот започнува во 21:00 часот, а повеќе информации може да најдете тука.