ВМРО-ДПМНЕ пред одлука дали ќе се вратат во Собранието
По денешната средба со премиерот, Зоран Заев, ВМРО-ДПМНЕ ќе одлучи дали пратениците ќе се вратат во собраниските клупи, изјави новиот лидер на партијата, Христијан Мицкоски, кој денеска присуствуваше на новогодишниот говор на претседателот Ѓорге Иванов во Собранието.
– Сите опции се отворени и конечната одлука ќе ја соопштиме по завршувањето на попладневната средба со премиерот Зоран Заев – рече тој.
Мицкоски потврди дека Влатко Ѓорчев е нов координатор на пратеничката група на ВМРО-ДПМНЕ. Како што објавивме вчера, Илија Димовски се повлече од оваа функција.
Пратениците од ВМРО-ДПМНЕ денеска присуствуваа на обраќањето на Иванов.