ВМРО ДПМНЕ: Единствен излез од кризата се нови избори

Народот се чувствува навреден и изигран од страна на СДСМ, кој пред изборите најавуваше план за живот, а по изборите започна да реализира план за разнебитување на Македонија, базиран на неуставната тиранска платформа, се вели во редовното утринско соопштение на ВМРО-ДПМНЕ.

Од партијата уште еднаш го повторуваат ставот дека единствено решение за излез од политичката криза, за која го обвинуваат СДСМ, се нови предвремени парламентарни избори.

„Аболицираниот криминалец Зоран Заев не може и не смее да тргува со националните и државни интереси само за да си ја спаси кожата и да не одговара за криминалите што ги сторил. Аболицираниот криминалец Зоран Заев ја прифати неуставната тиранска платформа во која се пропишува целосна двојазичност и промена на името по грчки терк. Граѓаните се чувствуваат излажани и изиграни, бидејќи СДСМ под превезот „За живот“ им донесе двојазичност и федерализација на државата. Заради тоа народот е на нозе! Заради тоа Македонија се буди!“, стои во соопштението на ВМРО-ДПМНЕ.