Владата очекува Грција да ги екстрадира Грујевски и Бошковски

Владата очекува дека ќе се испочитуваат сите меѓународни договори и меѓународни стандарди во вакви случаи и целата постапка ќе биде завршена во рамки на реалните рокови за вакви постапки, изјави владиниот портпарол, Миле Бошњаковски, во однос на екстрадицијата на поранешните началници во УБК Горан Грујевски и Нокола Бошковски од Грција.

– Би сакал да Ве упатам прво до Министерството за правда кое е надлежно за екстрадицијата и ја води постапката, изјави Бошњаковски.

Прашан како ќе ги коментира изјавите на двајцата за грчки медиуми дека се плашат да се вратат во Македонија поради притисоци, Бошњаковски рече дека не можат да коментираат изјави бидејќи во тек е судска постапка и да оставиме тие да течат.

Грујевски и Бошковски завчеравечер беа уапсени на солунскиот аеродорм на пат за Унгарија, со лажни бугарски пасоши и идентитети. Двајцата вчера беа изведени пред обвинител и се очекува за нивната екстрадиција да се произнесе и Апелацискиот суд во Солун.