Викиликс откри заговор на Демократската партија против Берни Сендерс
Викиликс објави нова серија на хакирани мејл пораки од угледни членови на Демократската партија на САД кои во првичната фаза од партиските избори биле против Берни Сендерс кој го омаловажувале, а ја фаворизирале Хилари Клинтон.
Со тоа се доведува во прашање целиот изборен процес бидејќи целта е да се одбере најдобриот кандидат без пристрасност на партијата, но очигледно Клинтон како дел од естаблишментот била во многу поповолна позиција.
Сендерс во текот на кампањата на повеќе наврати се жалеше дека системот на прелиминарни избори е наместен и не ја одразува волјата на граѓаните, но никогаш не ја нападна силно Хилари за да не дојде до меѓупартиски судири.
Ова е голем удар врз кампањата на Хилари која во ноември ќе се соочи со популистот Трамп и има големи шанси да изгуби од Републиканците, а секако ја следи и скандалот со приватниот мејл сервер во Стејт Департментот.