(Видео) ТЛЦ се вратија, преслушајтего нивниот нов сингал

ТЛЦ се врати со ретро баладата “Way Back” во која им се придружи и ветеранот Снуп Дог. Песната е ода на славните денови на деведесеттите кога девојките жареа и палеа по светските топ листи.

“Way Back” е првиот сингл од нивниот најнов албум, финансиран од страна на фановите. Девојките си поставија цел од 150 000 долари, а собрани се повеќе од 430 000 долари. Албумот беше одложуван неколку пати, а фановите веќе почнаа да се шалат дека девојките избегале со парите.

Нивниот менаџер објави дека албумот ќе излезе на 30-ти јуни. “Тионе и Чили работат деноноќно за да се постигне целта”, изјави Бил Дигинс.

Инаку, ТЛЦ е основана во 1991 година, а бендот тогаш се состоеше од Тионе, Чили и Лиза Лопез кој за жал трагично загина во сообраќајна несреќа во 2002 година. До денес, се единствената женска група која има направено дијамантски тираж благодарение на албумот “CrazySexyCool”.