Видео: Првиот трејлер за Batman v Superman ќе ве дигне од место
Warner и DC Comics го пуштија првиот целосен трејлер за Batman v Superman: Dawn of Justice кој е спектакуларен и уште од сега ќе ве натера со нетрпение да ја очекувате премиерата на филмот до која има уште цели девет месеци.
Во трејлерот видовме премногу возбудливи детали како сведоштвото на Брус Вејн при уништувањето на Метрополис, враќањето на Бетмен со фантастичен костим кој е еден од досега најдобро изработените, перцепцијата на Супермен како бог симнат на планетата кој може да внесе надеж, но и страв, како и првото појавување на Чудесната Жена играна од Гал Гадот која изгледа моќно и елегантно.
Трејлерот е изработен без грешка, има доволно содржини кои на сите фанови ќе им ги зовријат мозоците, но не се открива ниту еден спојлер кој може да ја расипе приказната и првото гледање во кино напролет. Во продолжение погледнете го досега најдобриот трејлер за спектаклот Batman v Superman кој сигурно ќе ги врати во живот фановите на DC Comics, а ќе ги заќути сите критичари.