(Видео) Манчевски: Пратените убијци и нарачателите од режимот мора да одговараат

Дамјан Манчевски, пратеник и потрпетседател на СДСМ, прикажа фотографии од напаѓачите кои тие досега успеале да ги идентификуваат и ги повика надлежните институции да поведат соодветни кривични постапки за нарачка и обид за убиство врз пратениците во Собранието.

– ОЈО, МВР и надлежните институции мора да водат јавна и транспарентна истрага со цел да се откријат големиот број на злосторници кои беа учесници во овие настани. Од снимките граѓаните масовно ги препознаваат извршителите на Груевскии, Мијалков, Чавков и Велјановски. Сите до еден им беа познати на пратениците на ВМРО ДПМНЕ. Сите до еден се дел од партиските структури на ВМРО ДПМНЕ. Директори на јавни претпријатија, раководители на сектори, вработени во МВР, вработени во јавни претпријатија и многу други коишто примаат плата од државата. Но, во Собранието беа пратени за да извршат обид за убиство и тешки криминалци и убијци. Станува збор за организирано сценарио на режимот во распад, рече Манчевски.