Видео: Лос Анџелес со црни топки ја штити водата за пиење

Резервоарот кој ја чува водата за пиење во Лос Анџелес не само што испарува во огромни количини, туку пронајдени се и хемиски елементи кои можат да предизвикаат карцином. Во составот се пронајдени бромид и хлорин, а кога тие се изложени на сонце се создава канцерогениот бромат. За да го спречат тоа, властите истураат милиони црни топки со пречник до 10 сантиметри во резервоарите. Освен што го спречуваат создавањето на штетниот елемент, се проценува и дека го спречуваат испарувањето на водата за 85 до 90 проценти.