Видео: Борба меѓу најсмртоносните змии во светот

Националниот парк „Пиланесберг“ во Јужноафриканската република е еден од домаќините на црните мамби, според мислењето на многумина, најсмртоносните змии во светот. Многу е интересно да се види како изгледа нивната борба за парење. Борбата се состои од спојување на телата на двете змии во вид на плетенка, се додека едната од нив не се откаже.

Кенет Криско од Природниот музеј во Флорида вели дека змиите во оваа борба не се обидуваат да се повредат или убијат една со друга туку само се борат за правото на парење. Тоа најдобро го прикажува фактот дека тие гризаат, но не испуштаат отров.