Видео: Агенти на КГБ пронашле мумифициран вонземјанин во Египет

Теоретичарите на заговори пуштија ново видео на YouTube на кое наводно во 60-тите години агенти на тогашната тајна советска служба КГБ откопуваат тело на вонземјани старо 13.000 години во катакомба во Египет. Според наводите Советите биле заинтересирани за вонземска технологија која ќе им помогне да доминираат во трката со вооружување против САД во екот на Студената војна.

Како што добро знаеме од историјата Советскиот сојуз се распадна, а САД прераснаа во неоспорена воена сила, па можеби пријателчињата од вселената и не биле од голема помош. Исто така теоријата тврди дека овие вонземјани им помогнале на Вавилонците да напредуваат цивилизациски, а дека на Еѓипјаните им откриле како да ги изградат пирамидите.