Ветото на Кире Наумов оспорено од ДИК, државата ќе се задолжи

Кире Наумов како заменик министер во финансии нема право на вето на одлуките поврзани со предвиденото задолжување бидејќи Државната изборна комисија во сегашниот состав одлучи дека не станува збор за одлука поврзана со предизборниот процес. Во министерството за финансии имаше огромен судир со тоа што владејачката партија ја обвини СДСМ дека сака да го политизира финансирањето на буџетот и дека ќе го загрози исплаќањето на пензии и социјална помош.

Од друга страна пак, ветото беше донесено со цел да се спречи дополнително задолжување од 100 милиони евра преку државни субвенции и да престане нерационалното трошење на државни пари за непотребни проекти како дисплеи од 900 илјади евра. Исто така СДСМ обвини дека државниот буџет е исцрпен штом мора платите и пензиите да се исплаќаат со задолжување.