Веќе не се дише – протест во Аеродром против загадувањето

Помала група на граѓани од Аеродром и Ново Лисиче и денес во 11 часот протестираше пред седиштето на локалната самоуправа изразувајќи го својот револт од високиот степен на загадување на воздухот неколку пат над дозволеното.

Граѓаните со заштитни маски побараа средба со градоначалникот Коневски, но од иницијативите за намалување на загадувањето велат дека се уште не биле примени. Мерните станици во последните денови покажуваа најголемо загадување во Скопје и особено на територија на општина Аеродром, но се уште нема никакви мерки за справување со состојбата.