Вечер посветена на Ристо Соколов Сокол

Организирана вечер во чест на познатиот уметник, кој почина пред една година Ристо Соколов Сокол се организираше во Кавадарци.  Промовирана беше новата збирка песни под наслов „Нашиот блуз„  напишана од неговиот пријател Марјан Тодоровски и самиот Соколов. Под името „Пријателите за Сокол- 2016“, сите важни личности во животот на Соколов, го одбележаа денот на неговото раѓање (16 април 1957).

Фотографската изложба не потсети на дела на Соколов и неговиот лик видени преку објективот на неговите пријатели, рекоа неговите пријатели организатори на настанот. Присутните преку видео проекција можеа да следат моменти од неговите и заедничките творечки моменти.