Уставниот суд се прогласи ненадлежен за распуштање на Собранието
Уставниот суд на денешната седница ги отфрли иницијативите на претседателот на Демократскиот сојуз, Павле Трајанов и на Тодор Петров за оценување на уставноста на Одлуката за распуштање на Собранието на Република Македонија. Судот, како што појаснуваат оттаму, не навлегува во тоа дали Одлуката е уставна или не, не ја анализира од уставен аспект, сметајќи дека таа се однесува на конкретно Собрание, а не на собранија воопшто како институции на државен органи и од тие причини ги отфрлени иницијативите.
Судот не влезе во мериторно одлучување за Одлуката, бидејќи не е надлежен за оценка на уставноста на конкретни и поединечни акти. Одлуката не била едногласна, дел од судиите сметале дека одложно дејство за распуштање на собранието не е предвидено со уставот и ако уставниот суд се прогласи за неналдежен нема друга институција која може да ги разгледува овие прашања.