Универзална сала ќе си го задржи препознатливиот изглед по идејата на „Архангел бојс“

Објектот на Конгресен Центар Александар Македонски (Универзална сала) ќе се догради и прошири врз основа на идејното решение избрано пред 8 години, а изработено од „Архангел бојс“. Ова се вели во денешната реакција на Град Скопје откако викендов се појавија шпекулации во врска со наводното идејно решение за реконструкција и надградба на Универзалната сала, изработено од скопскиот бизнисмен, Зоран Илиев Роџер.

„Во наредниов период, ќе биде неопходно допроектирање со дополнителни содржини и други елементи, но во основа, проектот ќе остане ист“, се вели во реакцијата ан Град Скопје.

Универзална е комплетен носител на проектот, а останува договореното доградбата на објектот да биде финансирана со средства од владиниот буџет. Инаку, минатата недела надлежните од Универзална сала распишаа оглас за измена и дополнување на проектите за реконструкција со доградба и надградба на постојниот објект.

Градоначалникот Коце Трајановски истакна дека старо-новата Универзална сала ќе го задржи препознатливиот изглед. Ќе ја има препознатливата купола, ќе биде збогатена соо дополнителни сали и други придружни содржини, а ќе биде решено и паркирањето.