Sunday, May 31, 2020
HomeДЕНЕШНАЦрна хроникаУбиен Дилавер Бојку – Леку на неговата плажа во Струга

Убиен Дилавер Бојку – Леку на неговата плажа во Струга

struga-breg

Контроверзниот струшки бизнисмен Дилавер Бојку – Леку денеска попладне е застрелан на плажата Аква скај, потврдија за „Мета“ извори од истрагата.

Непознато лице во 16.45 денеска го застрелало Бојку во пределот на главата, по што избегал од местото. Бизнисменот веднаш е пренесен во струшката болница, но, според информациите, тој им подлегнал на повредите.

Од МВР засега нема официјална потврда на настанот, а во тек е истрага која треба да открие кој е напаѓачот и кои биле мотивите.

Бојку пред 15 години го доби прекарот „кралот на проституцијата“, а од пред неколку години, по враќањето во Македонија се вклучи во угостителскиот бизнис, земајќи ја под концесија струшката плажа „Аква скај“.