Турските власти со писмо до САД побараа да се притвори Фетулах Ѓулен

Министерството за правда во Турција со испратено писмо до Вашингтон бара да се притвори Фетулах Ѓулен, муслиманскиот проповедик кој е обвинет од турските власти дека е одговорен за неуспешниот пуч во Турција на 15-ти јули.

Според објавите од телевизијата Си-Ен-Ен-Турк,  во писмото до американските власти, Ѓулен е дефиниран како „мозок“ на неуспешното соборување на владата. Турскиот премиер Бинали Јилдирим претходно денеска истакна дека Анкара нема да се согласи со никакви компромиси кога станува збор за барање до Вашингтон за екстрадирање на Ѓулен. Исламскиот проповедник кој живее во Пенсилванија и понатаму негира дека е вмешан во пучот во кој животот го загубија над 240 лица.