Три села во тетовско отсечени поради невремето
Три села во тетовско отсечени поради невремето. Свлечишта го блокираа пристапот до Бродец, Бозовце и Вешала. Само неколку дена од годишнината од невремето во август минатата година, повторно некои тетовски села се соочија со наноси од кал, дрвја и камења.
Локалната самоуправа и од противпожарната територијална единица веднаш излегле на терен и започнале со расчистување. Од дирекцијата за заштита и спасување информираа дека е формирано координативно тело. Невремето започна околу 15 часот и го погоди речиси целиот Полошки регион. Освен трите отсечени села, наместа поплавен е и патот кон Попова Шапка, додека пак во Голема Речица е само покачен водостојот во речните корита.
УХМР најави дека ваквото време ќе продолжи и наредните денови, а надлежните информираа дека постојано ќе ја следат состојбата на теренот.